anasresor.blogg.se

Ndihmat e termetit Isha ne Tiranë kur ra termeti në 21 shtator. Rrija në Astir te vëllai dhe për faktin që ajo lagje është afër Durrësit, termeti u ndje shumë. Pas tronditjes se parë, nxorëm bashkë me vellain, nënën tonë 80-te vjecare në fushën e futbollit ku doli e gjithe lagja. Aty ra i dyte por pak me i dobet. Pritem atje disa orë e kur u errësua u futëm në një kafe deri në 9-të të darkës. Ditën tjetër ra perseri termet por ajo refuzoi te dilte nga shtepia. Mori vetëm dy muaj derisa erdhi i dyti, akoma më i fortë, në 26 nëntor 2019. Ketë herë, ndërtesa të tëra u rrëzuan ne Durrës e Thumanë e tmerrsisht 50 veta humbën jetën. Ai Durrës që na kënaq një verë të tërë me detin e plazhin, u shndërruar në gërmadha Nëna ime nuk doli as këtë hërë edhe pse u trondit pa masë. Mobilje e qelqurina u thyen, por askush nga familja ime ne Astir nuk pesoi dëme fizike. Të nesërmen, mbesa ime krijoi nje grup në facebook dhe ne motrat me nipër e mbesa, dhamë te holla për televizorin që u thye. Mami bashkë me familjen e vellait shkuan pas 4 ditësh në qytetin tonë të lindjes, ku termeti ndihet me pak. A do t’i shkonte ndonjëherë në mendje nënës time se do ndante shtepi me prinderit e nuses se saj? Asnjëherë! Pikerisht këtë efekt kanë katastrofat natyrore. Ato, ashtu si dhe lufta, i bashkojnë njerëzit në një mënyrë të jashtëzakonshme e solidariteti është i një shkalle ekzemplare! Hotel ”Ana” e hotel ”Kosova” ne Prishtine ofruan strehim per 120 e 150 persona dhe lista e njerezve qe ofruan shtepite e tyre, eshte e gjate! Ndihmat materiale nuk munguan që ditën e parë pas termetit. Konvoje pa fund me kamionë nga Kosova, gjithashtu makina private, sollen për tre dite ushqime e rroba sa per nje vit te tere. Fonde u krijuan e shqiptarë nga e gjithë diaspora mblodhën të holla në shuma marramendese. Vetëm grupi i facebook-ut SAB këtu në Suedi ku jetoj, nje grup me vajza shqiptare, shumica e të cilave kanë lindur ose kanë ardhur këtu të vogla, mblodhi për 24 orë mbi 100 000€. Shtete te fuqishme dhane ndihma ne 20 miljon Euro e ndihmat financiare vazhdojne akoma të vërshojnë në Shqiperi. Ne momente te tilla, ashtu si i miri, e nxjerr kokën edhe i keqi! Që në fillim, shume persona private vodhën ndihma, ashtu sic është bërë në raste të tjera. Si me refugjatët e Kosovës ne 1999-ën e si me ndihmat e vazhdueshme nga të gjitha llojet e organizatave ne fillim te viteve 90-te. “Jemi popull i keq” thone disa… “E kemi korrupsionin ne gjak” thonë disa te tjerë… Po ja u le analistëve shqiptarë që ngrohin karriget e emisioneve televizive, që paturpisht, shumë prej tyre jane bere milionere duke mbajtur krahun e partise politike qe i paguan, t’a zhvillojnë këtë temë Prandaj dua te bëj një thirrje: “Në emer të atyre 50 shqiptarëve që humbën jetën nga ky termet e që të hollat e ndihmave që u mblodhën nuk i kthejnë mbrapa, në emër të familjeve te tyre, në emër te atij populli që ka përjetuar që prej 1991-it një zhgënjim me përmasa gjigande nga vjedhja e makutëria e vazhdueshme e politikanëve shqiptarë, BEJ THIRRJE që të gjitha mjetet financiare që kanë ardhur nga Kosova, diaspora shqiptare e nga e gjithë bota, të shkojnë te viktimat e tërmetit dhe te ato ndërtesa e ajo infrastrukturë që duhet të ndërtohet dhe JU SFIDOJ në emrin e gjithë popullit shqiptar që asnjë Euro mos të hyjë në xhep të politikanëve, kryetarëve të bashkive apo të atyre që do jenë vendimmarrës e zbatues të projekteve!” Mos Vidh Më mor Barkngopur! “Mos Vidh Mor”, ashtu sic thoshte Migjeni, “ t’u shitoft zana”!